Snemma í október var hið árlega Rósaball haldið í Ingunnarskóla. Þá hafa 10. bekkingar heimsótt nemendur 8. bekkjar og fylgt þeim á ballið og með því boðið þau velkomin í unglingadeildina.
Ljósmyndari var á staðnum sem tók margar skemmtilega myndir af krökkunum. Þær eru að finna í myndasafni.
Börnin fóru þreytt í rúmið í gær eftir langan og skemmtilegan dag og voru fljót að sofna. Morguninn var kaldur og þoka lá yfir staðnum en nú er farið að birta til og dagurinn lofar góðu. Í hópnum er afmælisbarn og í morgunmatnum söng allur salurinn afmælissönginn. Með okkur á Reykjum er Salaskóli og hafa börnin verið að kynnast hvort öðru og skemmt sér saman í leik og starfi.
Kennararnir eru búin að vera dugleg að taka myndir af krökkunum í leik og starfi og þær eru að finna hér.
Veðrið hefur leikið við okkur í Hrútafirðinum, sól og blíða. Af okkur er allt gott að frétta. Börnin eru mjög ánægð með matinn og sérstaklega salatbarinn. Í gær var mikil gleði í hópnum og margir ekkert spenntir að fara að sofa en flestir voru þó sofnaðir um miðnætti. Dagurinn í dag hefur gengið vel, einhverjir sakna þó mömmu og pabba smá sem er eðlilegt.
Bestu kveðjur frá okkur á Reykjum, Guðbjörg, Hjalti og Ólöf
Á morgun, föstudaginn 9. nóvember, er doppóttur dagur hjá okkur í Ingunnarskóla. Gaman væri ef sem flestir, nemendur og starfsfólk, kæmu í doppóttum fötum á morgun.
Stjórnendur Brúarskóla verða með kynningu á starfi Brúarsels næstkomandi miðvikudag 14. nóvember klukkan 20:00 í sal skólans. Síðastliðið vor sendum við upplýsingar um að fyrirhugað væri að Brúarselið myndi færa starfsemi sína úr Seljaskóla í færanlegu kennslustofurnar norðan við aðalbyggingu Ingunnarskóla.
Brúarsel starfar undir stjórn Brúarskóla og fer kennslan fram í færanlegu stofunum, en nemendur í selinu sækja ekki kennslustundir eða frímínútur í Ingunnarskóla en nýta sér mötuneyti skólans. Brúarselið er þessa dagana að flytja og byrja starfsemi sína í þessum stofum.
Í Brúarseli er gert ráð fyrir nemendum á miðstigi ( 4.-7.bekkur) og allt að 4-8 nemendum í einu. Nú í upphafi eru 3 nemendur í 4.-6. bekk skráðir í selið. Nemendur frá Grafarholti, Árbæ, Ártúni, Norðlingarholti, Úlfarsárdal og Breiðholti hafa aðgang að þessu úrræði. Skólastjóri Brúarskóla mætti á fund skólaráðs síðastliðið vor og fór yfir hlutverk Brúarskóla sem er úrræði fyrir börn með geð- og hegðunarerfiðleika. Þetta er alltaf tímabundið úrræði og alltaf er stefnt að því að aðlaga nemendur aftur inn í sinn heimaskóla.
Fjallað var um Brúarsel á sameiginlegum fundi skólaráðs og stjórnar foreldrafélags Ingunnarskóla 24. maí síðastliðinn.
Sjá einnig kynningarbækling.
Við hvetjum ykkur til að mæta á þennan kynningarfund til að kynna ykkur starfsemina.
