1 | 2 | 3 | 4 | 5 | 6 | 7 | 8 | 9 | 10 | 11

×

Viðvörun

Klassi SimpleCalendarModelEvents fannst ekki í skránni

Páskakveðja

Ritað .

Nemendur fara í páskaleyfi eftir föstudaginn 23. mars og hefst skólastarf aftur þriðjudaginn 3. apríl. Skrifstofa skólans verður lokuð í páskaleyfinu.

Með von um að nemendur og fjölskyldur þeirra eigi gleðilega páskahátíð,

Starfsfólk Ingunnarskóla

912644a4bd10829f48dfa5853e74d4e1

Árshátíð

Ritað .

Fimmtudaginn 22.mars síðastliðinn fór fram árshátíð unglingadeildar Ingunnarskóla og eiga krakkarnir hrós skilið fyrir góða hátíð þar sem allir voru ákveðnir í því að skemmta sér vel. Georgina og Arna í 10.bekk voru veislustjórar kvöldsins og höfðu skipulag hátíðarinnar á hreinu.

Sérstakur leynigestur kvöldsins var Björn Bragi úr Mið-Íslandi og fór grínið heldur betur vel í nemendahópin sem á sama tíma gæddi sér á lambakjöti og kalkún frá Grillvagninum. Nemenda- og kennaragrín var á sínum stað og lauk ballinu svo með balli þar sem Egill spegill spilaði fyrir dansi sem stóð til 23:00.

Árshátíðarnefnd sem samanstendur af krökkum í 10.bekk á heldur betur hrós skilið fyrir gott og skemmtilegt skipulag og frágang að hátíð lokinni.

Myndir úr sérstökum myndakassa eru komnar í myndasafn skólans.
i SjkjDZn X3

Gleðivika

Ritað .

Þessi vika var gleðivika í Ingunnarskóla og hefur margt verið sér til gamans gert á öllum svæðum og nemendur skemmt sér vel í margskonar verkefnum.

Nemendur 1.-2. bekkjar eru búin að vera að fást við fjölbreytt og skemmtileg viðfangsefni. Lögð var áhersla á gleði og gaman. Meðal annars var haldin sýning á sal þar sem börnin fengu tækifæri til að láta ljós sitt skína. Sóla sögukona kom í heimsókn, sagði þeim sögur og fengu krakkarnir að skoða sögubílinn Æringja.

3.-4. bekkur fór í heimsókn í Gufunesbæ og hafa verið að vinna með söguna um Ronju ræningjadóttur. Ronjuleikar voru haldnir í íþróttum og unnin voru margskonar verkefni út frá bókinni.

Nemendur 5.-6. bekkjar voru mikið að vinna með Múmínálfana og endursköpuðu m.a. heimkynni þeirra í stofunni sinni. Einnig voru þau með víkingaþema sem þau tengja við Snorra sögu sem þau eru að vinna með í þema.

Nemendur 7. bekkjar voru að vinna á allskonar stöðvum í vikunni. Þau gátu búið sér til náttúrulega maska, fóru í jóga, léku sér úti og lærðu heilmikið um Evrópu. Þau föndruðu, spiluðu og fóru í spurningakeppni og gerðu sér margt til skemmtunar. 

Nemendur 8.-10. bekkjar fengu að velja sér stöðvar sem þau flökkuðu á milli í vikunni. Þau gátu meðal annars farið í hjólaferð, prjón, origami, fimleika og skauta í Egilshöll.

Einn af hápunktum gleðivikunnar er síðan Danskeppnin, sem nemendur 6.-10. bekkjar eru þátttakendur í. Fjöldinn allur af hópum/einstaklingum tók þátt og var gaman að sjá hvað nemendur lögðu mikinn metnað í atriðin sín sem voru hvert öðru flottara.

Halli íþróttakennari hefur haft veg og vanda af skipulagningu keppninnar og hafa í síðustu vikum farið fram undankeppnir í íþróttatímum bekkjanna.

Veitt voru verðlaun fyrir þrjú efstu sætin og sérstök verðlaun fyrir björtustu vonina.  Bjartasta vonin voru Iðunn í 6.b. Í 3. sæti voru Gylfonso og veganpullurnar en þann hóp skipuðu drengir úr 10. bekk og í 2. sæti var Gúrkuvinafélagið sem skipað var stúlkum úr 7. bekk. 1.sætið hlaut hópurinn Tikka Masala úr 9. bekk og áttu þau það svo sannarlega skilið.

Myndir af danskeppninni eru í myndasafni. Fleiri myndir frá gleðivikunni verða síðan settar inn í myndasafn.
IMG 0061 Large

Árshátíð unglingadeildar

Ritað .

Fimmtudaginn 22.mars næstkomandi verður árshátíð nemenda í unglingadeild Ingunnarskóla haldin með pompi og prakt.  Húsið opnar kl. 18:30 og hefst matur kl. 19:00 en gleðin stendur svo til kl. 23:00 um kvöldið. 10.bekkur hefur séð um skipulag viðburðarins og selt miða undanfarna daga. Það kostar 3.700 krónur fyrir nemendur á árshátíðina. Grillvagninn sér um veitingarnar en í matinn verður kalkúnn og lambakjöt með frönskum, fersku grænmeti og öðru meðlæti. Í eftirrétt verður súkkulaðikaka og ís. 

Á meðal skemmtiatriða verður nemendagrín og kennaragrín, leynigestur mætir á svæðið þegar líða tekur á kvöldið og enda herlegheitin á balli þar sem Egill Spegill spilar fyrir krakkana.

people partying clipart party people clipart 6

PISA könnun í 10. bekk Ingunnarskóla

Ritað .

Á morgun, þriðjudaginn 13. mars, verður PISA könnunin lögð fyrir 10. bekk í Ingunnarskóla. Nemendur mæta í skólann klukkan 8:45 og prófið hefst klukkan 9:00. Afar mikilvægt er að nemendur séu mættir vel tímanlega til að forðast allt óþarfa stress. 

PISA – tímaplan fyrir nemendur

08:45  Nemendur mæta
09:00 – 09:20 Innskráningarblöð, lykilorð og kynning á könnuninni
09:20 – 10:20 Fyrri prófhluti
10:20 – 10:25 5 mínútna hlé
10:25 – 11:30 Seinni prófhluti
11:30 – 11:45 15 mín hlé – hressing í boði
11:45 – 12:30 Spurningalistar nemenda
                                Að loknu prófi geta þeir nemendur sem eru í mataráskrift fengið sér hádegismat. 

10. ÞA fer í íþróttir eftir hádegi.

Atriði sem mikilvægt er að hafa í huga:

• Að nemendur séu mættir tímanlega til að forðast óþarfa stress.
• Að nemendur séu búnir að borða góðan morgunmat áður en þeir mæta (þeir geta fengið hafragraut í skólanum) og séu vel úthvíldir. 
• Ekki er leyfilegt að vera með mat né drykk inni í prófstofu (reglur frá PISA) en boðið verður upp á hressingu í hléunum (brauðmeti, ávexti og drykki).
• Nemendur þurfa að sitja inni í könnuninni út allan tímann eða til 12:30. Mikilvægt er að þeir séu með yndislestrarbók til að lesa ef þeir klára könnunina áður en tímanum lýkur.
• Nemendur eiga að slökkva alveg á símunum sínum meðan á könnuninni stendur. 

© 2009 Ingunnarskóli, Maríubaugi 1 - 113 Reykjavík | Sími: 411-7828 | Fax: 411-7838 | Sendu okkur póst | Áskrift að fréttum |