1 | 2 | 3 | 4 | 5 | 6 | 7 | 8 | 9 | 10 | 11

×

Viðvörun

Klassi SimpleCalendarModelEvents fannst ekki í skránni

Íþróttadagurinn

Ritað .

Hinn árlegi íþróttadagur var haldinn í Ingunnarskóla í dag. Dagurinn var einstaklega skemmtilegur en nemendum 1.-5. bekkjar var skipt upp í hópa og nutu allir þess að vera úti í við skemmtilegar þrautir og leiki sem voru á mörgum stöðvum.  

Nemendur 6.-7. bekkjar fóru niður í Leirdal þar sem þau hittu nemendur 6.-7. bekkjar úr Dalskóla.  Þar fórum þau í leiki og kepptu í ýmsum íþróttagreinum.

Nemendur 8.-9. bekkjar voru í alls kyns íþróttakeppnum inn í íþróttasal.

Í lok dagsins söfnuðust allir saman á skólalóðinni og dönsuðu saman. Að því loknu gæddu allir sér á pylsum úr mötuneytinu.  

Myndir frá íþróttadeginum er að finna í myndasafni skólans.

IMG 0118 Large

Sumaráhrifin og lestur

Ritað .

Sumarleyfi grunnskólabarna er handan við hornið og mörg þeirra farin að líta hýru auga til þess að þurfa ekki að vakna snemma, taka sig til fyrir skólann og læra heima. Íslensk grunnskólabörn eru að jafnaði í 10-11 vikna sumarfríi þar sem þau eru laus undan stundatöflu og skólabjöllu. Þetta langa frí er eflaust mörgum kærkomið en það er hins vegar vel rannsakað að sumarfrí nemenda hefur í för með sér ákveðna afturför fyrir nám þar sem fyrri þekking og færni gleymist vegna þess að henni er ekki haldið við yfir sumartímann. Þetta eru svokölluð sumaráhrif.

Hvað lestrarfærni varðar getur þessi afturför numið einum til þremur mánuðum á hverju sumri og hjá barni í 6. bekk, sem aldrei hefur lesið yfir sumartímann, getur uppsöfnuð afturför numið einu og hálfu skólaári. Sumarfrí eru vissulega nauðsynleg og hér er ekki mælst til þess að skipulögðu námi sé haldið að börnum á sumrin en góð lestrarfærni liggur til grundvallar og auðveldar nemendum allt nám svo það er ákaflega mikilvægt að henni sé haldið við yfir sumartímann.

Yngstu lesararnir, eða nemendur í 1.-4. bekk, eru sérstaklega viðkvæmir fyrir sumaráhrifunum en börn sem glíma við lestrarerfiðleika, búa við litla lestrarmenningu heima fyrir eða eiga annað móðurmál en íslensku, eru einnig í áhættuhópi. Góðu fréttirnar eru þær að rannsóknir sýna einnig að ekki reynist nauðsynlegt að lesa meira en fjórar til fimm bækur yfir sumarið til að viðhalda lestrarfærninni og auðvitað leiðir mikill lestur til margs konar ávinnings fyrir skólagöngu og almenna velsæld nemenda. Sá ávinningur birtist í bættri lestrarfærni, miklum orðaforða, bættum lesskilningi, aukinni færni við ritun og svona mætti lengi telja. Og ekki má gleyma bókagaldrinum sem fær lesarann til að gleyma stund og stað og öðlast upplifun og reynslu af fyrirbærum sem eru misfjarlæg í tíma og rúmi.

Við viljum minna á að útlán bókasafnanna, fyrir börn undir 18 ára aldri, eru ókeypis og að starfsfólk bókasafnanna er ávallt boðið og búið að aðstoða börn og foreldra við að finna og velja bækur sem falla að áhugasviði þeirra. Með þetta í huga vilja Samtök forstöðumanna almenningsbókasafna og Menntamálastofnun hvetja nemendur og foreldra til lestrardáða í sumar með því að vera dugleg að heimsækja bókasöfnin og taka til dæmis þátt í árlegum sumarlestrarspretti eða með því að nýta sér sumarlæsisdagatal Menntamálastofnunar.

Gleðilegt lestrarsumar!

sumarlestur

Sameiginlegt átak og endurvinnsla skapar furðudýr

Ritað .

Þökk sé samstarfi við skólaliða og starfsmenn eldhússins tókst að safna ýmislegu skemmtilegt efni sem annars hefði verið fleygt svo sem mjólkurfernum, eldhúsrúllum og eggjaumbúðum. Nemendur í myndlist í 3.bekk notuðu svo efnið og ímyndunaraflið til að skapa furðudýr af öllum stærðum og gerðum.

frett furdudyr 1

Skákmeistarar 2.-3. bekkjar

Ritað .

Skákmót Ingunnarskóla í 2. og 3. bekk 2018 fór fram í vikunni. 

Í 3. bekk voru 16 keppendur og var keppt í tveimur riðlum. Í A-riðli hlaut Hersir Jón 7 vinninga í fyrsta sæti, vann alla andstæðinga sína. Annar varð Jón Sigurður með 6 vinninga og þriðji Óliver Arnar með 5 vinninga. Í B-riðli urðu Óskar Jökull, Bjarni Þór J. og Breki Rafn efstir og jafnir með 6 vinninga. 

Þessir 6  tefldu því til úrslita um skólameistaratitilinn í 3. bekk.  Hersir Jón vann öruggan sigur og lagði alla andstæðinga sína fimm.  Óskar Jökull lenti í öðru sæti með 4 vinninga og Jón Sigurður varð þriðji með 2 vinninga.

Í 2. bekk voru keppendur 28 og tefldu 5 umferðir. Keppni var æsispennandi og réðust ekki úrslit fyrr en í síðustu umferð. 

Helgi Dagur bar sigur úr býtum, hlaut 4 ½ vinning.  Í 2.-5. sæti voru Brynja Sif, Baldur Kár, Bergur og Bjartey Hanna, öll með 4 vinninga. 

Brynja Sif hreppti annað sætið og Baldur Kár það þriðja þar sem þau voru stigahærri en Bergur og Bjartey Hanna.

Mótin fór afar vel fram og var öllum þátttakendum til sóma.

Skákstjórar voru Gunnar Finnson skákkennari og Einar Ólafsson sem kennir skák í Vatnsendaskóla.

chess 145184 960 720

Bókagjöf

Ritað .

Í morgun barst skólasafninu vegleg bókagjöf frá nemanda skólans sem mun nýtast vel á komandi skólaári.

Við þökkum kærlega fyrir.

bækur

© 2009 Ingunnarskóli, Maríubaugi 1 - 113 Reykjavík | Sími: 411-7828 | Fax: 411-7838 | Sendu okkur póst | Áskrift að fréttum |