1 | 2 | 3 | 4 | 5 | 6 | 7 | 8 | 9 | 10 | 11

×

Viðvörun

Klassi SimpleCalendarModelEvents fannst ekki í skránni

Ingunnarskólapeysur

Ritað .

Nú hefur nemendaráð Ingunnarskóla hafið sölu á peysum sem merktar eru Ingunnarskóla. Peysurnar verða gráar og merktar Ingunnarskóla að framan, á brjóstkassa vinstra megin. Hægt verður að máta peysurnar og borga fyrir þær frá og með morgundeginum til og með mánudagsins 15.janúar en í lok þess dags fer pöntun til framleiðanda og verða aðeins þær peysur pantaðar sem búið er að borga fyrir, en peysurnar kosta 3.500 krónur óháð stærð. Gott væri ef foreldrar yngri nemenda aðstoði börnin við að finna réttar stærðir þar sem ekki er hægt að skipta um stærðir eftir að gengið hefur verið frá pöntun og því gott að allir séu með peysur sem passa.

Hægt verður að máta peysurnar hjá Lilju Rós skrifstofustjóra til og með 15.janúar, en gera má ráð fyrir að að peysurnar komi í síðasta lagi um miðjan febrúar. Allur ágóði af peysusölunni fer í árshátíðarsjóð nemendaráðs.

Gildan hettupeysa

Jólakveðja

Ritað .

Starfsfólk Ingunnarskóla sendir nemendum og fjölskyldum þeirra bestu óskir um gleðileg jól og farsælt nýtt ár með þökk fyrir samstarfið á árinu.

Hlökkum til að sjá nemendur aftur í skólanum miðvikudaginn 3. janúar 2018. Kennsla verður samkvæmt stundaskrá.

Christmas clipart kid

Litlu jólin í Ingunnarskóla

Ritað .

Í dag voru litlu jólin haldin hátíðleg í Ingunnarskóla. Nemendur mættu og áttu góða samverustund saman með kennurum. Þau borðuðu sparinesti og hlustuðu á sögu. Að samverustundinni lokinni héldu nemendur á jólaball í salnum. Við fengum góða gesti í heimsókn, þá Askasleiki og Skyrgám, sem héldu uppi fjörinu ásamt Ebbu og Kristjáni. 

Myndir frá deginum er að finna í myndasafni hér og hér.

IMG 0117 Large

Litlu jólin og jólaball

Ritað .

Á morgun, þriðjudaginn 19. desember verður hefðbundinn dagur í Ingunnarskóla hjá öllum nemendum 1.-10. bekkjar. Seinna um kvöldið verður jólaball haldið fyrir nemendur 8.-10. bekkjar í Sæmundarskóla. Er þetta sameiginlegt ball fyrir nemendur Ingunnarskóla, Sæmundarskóla og Dalskóla. Ballið hefst kl. 20:00 og stendur til 22:30.

Miðvikudaginn  20. desember, eru litlu jólin í Ingunnarskóla. Mæting í skólann er kl. 10:30 og lýkur dagskránni kl. 12:30. Boðið verður upp á gæslu frá kl. 8:00 fyrir nemendur í 1.-4. bekk. Ekki verður boðið upp á hafragraut þennan dag.

Við byrjum daginn á stofujólum með umsjónarkennurum þar sem nemendur mega koma með sparinesti (smákökur, bakkelsi en ekki sælgæti) og gosdrykki/fernudrykki.  

Síðan verður gengið í kringum jólatréð í hátíðarsal skólans.  Jólasveinar mæta á svæðið og fá allir mandarínur í boði jólasveina.  

Að lokinni dagskrá kl. 12:30 fara þeir nemendur heim sem eru ekki í Stjörnulandi.  

Nemendur sem fara í Stjörnuland verða áfram í skólanum og fá létta hressingu áður en þau verða sótt af starfsmönnum Stjörnulands kl. 13:15.

i2christmas tree

Bilað símkerfi

Ritað .

Í augnablikinu virðist sem símkerfi skólans sé bilað og því ekki hægt að ná inn símleiðis.

Biðjum ykkur því að senda okkur línu á This e-mail address is being protected from spambots. You need JavaScript enabled to view it. ef þið þurfið að láta vita af veikindum eða koma öðrum upplýsingum til skólans. Einnig er hægt að skrá veikindi í Mentor.

Uppfært: Símkerfið er komið í lag.

© 2009 Ingunnarskóli, Maríubaugi 1 - 113 Reykjavík | Sími: 411-7828 | Fax: 411-7838 | Sendu okkur póst | Áskrift að fréttum |