1 | 2 | 3 | 4 | 5 | 6 | 7 | 8 | 9 | 10 | 11

×

Viðvörun

Klassi SimpleCalendarModelEvents fannst ekki í skránni

Slæmt veður síðdegis

Ritað .

Skv. veðurspá mun veður versna á höfuðborgarsvæðinu síðdegis og eru foreldrar og forráðamenn beðnir að sækja börn sín í frístundastarfs en allir nemendur verða farnir í frístundastarf eða heim á þessum tíma. Nemendur í 8.-10. bekk verða send heim kl. 15:00 í dag og ættu því að geta gengið sjálf heim. 

Nánari upplýsingar eru á Facebook-síðu Slökkviliðs höfuðborgarsvæðisins bs.

Lestrarátak Ævars vísindamanns

Ritað .

Nú er lestrarátak Ævars vísindamanns hafið en það hófst 1. janúar og stendur til 1. mars næstkomandi. Þeir sem vilja taka þátt fylla út lestrarmiða fyrir hverjar þrjár bækur sem þeir lesa og setja í skilakassa á skólasafninu. Í byrjun mars dregur Ævar úr öllum innsendum miðum, en fimm heppnir nemendur af öllu landinu fá í verðlaun að vera persónur í æsispennandi ofurhetjubók eftir Ævar sem kemur út í maí 2018.

Reglurnar eru þessar:

1. Það má lesa hvaða bók sem er.

2. Á hvaða tungumáli sem er.

3. Hljóðbækur og ef einhver les fyrir þig telst með.

4. Allir krakkar í 1. - 10. bekk mega taka þátt.

Hægt er að nálgast þátttökumiða á skólasafninu en einnig geta foreldrar prentað út miða til að nýta heima við: https://docs.wixstatic.com/ugd/6a5733_5d773d020f2e49a9b94eb03f1a33e8cf.pdf

Heimasíða Ævars: https://www.visindamadur.com 

  lestraratak

Slæmt veður

Ritað .

Veður getur seinkað ferðum nemenda til skóla. Skólar eru opnir, en mikilvægt er að foreldrar gæti þess að yngri börn fari ekki ein í skóla, þetta á sérstaklega við í efribyggðum og þar sem börn þurfa að fara yfir opin svæði á leið sinni í skóla.

Með yngri börn er hér átt við 12 ára og yngra.

Nánari upplýsingar eru á Facebook-síðu Slökkviliðs og lögreglu höfuðborgarsvæðisins bs.“

Announcement 2. In the morning because of bad weather.

Due to weather conditions, disruptions in school services may be expected today. Schools are open but parents and guardians are asked to escort children younger than 12 years to school. This especially concerns children living in upper areas that need to cross open spaces on their way to school.

Ingunnarskólapeysur

Ritað .

Nú hefur nemendaráð Ingunnarskóla hafið sölu á peysum sem merktar eru Ingunnarskóla. Peysurnar verða gráar og merktar Ingunnarskóla að framan, á brjóstkassa vinstra megin. Hægt verður að máta peysurnar og borga fyrir þær frá og með morgundeginum til og með mánudagsins 15.janúar en í lok þess dags fer pöntun til framleiðanda og verða aðeins þær peysur pantaðar sem búið er að borga fyrir, en peysurnar kosta 3.500 krónur óháð stærð. Gott væri ef foreldrar yngri nemenda aðstoði börnin við að finna réttar stærðir þar sem ekki er hægt að skipta um stærðir eftir að gengið hefur verið frá pöntun og því gott að allir séu með peysur sem passa.

Hægt verður að máta peysurnar hjá Lilju Rós skrifstofustjóra til og með 15.janúar, en gera má ráð fyrir að að peysurnar komi í síðasta lagi um miðjan febrúar. Allur ágóði af peysusölunni fer í árshátíðarsjóð nemendaráðs.

Gildan hettupeysa

Jólakveðja

Ritað .

Starfsfólk Ingunnarskóla sendir nemendum og fjölskyldum þeirra bestu óskir um gleðileg jól og farsælt nýtt ár með þökk fyrir samstarfið á árinu.

Hlökkum til að sjá nemendur aftur í skólanum miðvikudaginn 3. janúar 2018. Kennsla verður samkvæmt stundaskrá.

Christmas clipart kid

© 2009 Ingunnarskóli, Maríubaugi 1 - 113 Reykjavík | Sími: 411-7828 | Fax: 411-7838 | Sendu okkur póst | Áskrift að fréttum |