Skip to content

Í mötuneyti Ingunnarskóla er boðið upp á heitan mat í hádeginu alla daga. Markmiðið er að bjóða hollan og góðan mat. Fiskur er í boði tvisvar í viku og ávextir eða grænmeti yfirleitt daglega. Mötuneytið hefur fengið góðar viðtökur og er mikill meirihluti nemenda og starfsmanna sem nýtir þjónustuna.

Nemendur eiga kost á að kaupa mat í áskrift, sem greitt er fyrir mánaðarlega. Gjaldið er 9.520 kr. á mánuði, níu mánuði skólaársins. Tilkynna þarf um breytingar á áskrift fyrir 20. hvers mánaðar annars endurnýjast áskriftin sjálfkrafa. Allar breytingar á áskrift skulu fara í gegnum Rafræna Reykjavík.

Til að skrá nemanda í mataráskrift þarf að fara inn á Rafræna Reykjavík og skrá nemanda þar.  Ef skrá á nemanda úr mataráskrift er það sömuleiðis gert þar.  Nánari upplýsingar um skólamötuneyti Skóla- og frístundasviðs er að finna hér.

Nemendur sem ekki kaupa máltíðir í mötuneytinu borða nesti sitt þar í hádeginu.

Matseðill hvers mánaðar er birtur á heimasíðu skólans.

Á morgnanna er boðið upp á hafragraut nemendum að kostnaðarlausu.

Nestistíminn að morgni er kallaður ávaxtastund til að reyna að hvetja nemendur til að koma með ávexti eða grænmeti en allt hollt nesti er í boði. Nauðsynlegt er að búið sé að þvo ávextina og grænmetið áður en það er sett í nestisboxið og jafnvel þarf að skera það í smærri einingar. Við viljum beina þeim tilmælum til foreldra að nota fjölnota nestisbox til að draga úr óþarfa útgangi og minnka plastnotkun

Í mötuneytinu starfa þrír starfsmenn: Sigrún Sigurjónsdóttir matreiðslumaður, Elín Eygló Sigurjónsdóttir og Hulda Jónsdóttir.