Skip to content

Öskudagur í Ingunnarskóla

Það var líf og fjör á öskudeginum í Ingunnarskóla í dag. Allskyns skrýtnir karlar, konur og dýr mættu í skólann og var gaman að sjá í hversu fjölbreyttum búningum krakkarnir komu í.

Nemendum var skipt upp í árgangahópa sem fóru á milli stöðva. Á einni stöðinni var spilað bingó og á annarri voru búnir til allskonar goggar.

Í íþróttahúsinu fóru krakkarnir í leiki og enduðu svo á að slá köttinn úr tunnunni. Gaman að sjá hvað þau tóku mikinn þátt, alveg frá 1.-10. bekk. Á síðustu stöðinni var dansað en þar kenndi danskennari krökkunum nokkra dansa við mjög góðar undirtektir.

Deginum lauk svo á hádegi með pylsuveislu í mötuneytinu.