Skip to content

Upptakturinn

Með Upptaktinum, Tónsköpunarverðlaunum barna og ungmenna, er ungu fólki gefið tækifæri til að senda inn tónsmíð eða drög að henni og vinna markvisst úr hugmyndum sínum með fulltingi listnemenda og listamanna. Afrakstur þeirrar vinnu má sjá og heyra á tónleikum Upptaktsins á opnunardegi Barnamenningarhátíðar sem verður að þessu sinni þann 21. apríl 2020. Upptakturinn er samstarfsverkefni Hörpu, Barnamenningarhátíðar, RÚV og Listaháskóla Íslands.

Upptakturinn slær taktinn á ný
Nú blásum við til leiks, áttunda árið í röð, og kynnum nýjan Upptakt 2020.
Upptakturinn er opinn ungmennum í 5. – 10. bekk. Áhersla er lögð á að hvetja börn og ungmenni til að semja tónlist og styðja þau í fullvinnslu hugmyndar. Ungmennin sem komast áfram taka þátt í tónlistarsmiðju með nemendum Skapandi tónlistarmiðlunar við Listaháskóla Íslands, auk þess að vinna að útsetningum undir leiðsögn nemenda Tónsmíðadeildar. Að þessu ferli loknu höfum við eignast nýtt tónverk sem við getum flutt á tónleikum og varðveitt með upptöku.

Skilafrestur hugmynda er til og með 21. febrúar 2020

Markmið Upptaktsins

  • Sköpun
    • að stuðla að tónsköpun ungs fólks og hvetja börn og ungmenni til að semja eigin tónlist.
  • Skráning
    • að aðstoða börn og ungmenni við að fullvinna hugmyndir sínar í vinnusmiðju og varðveita þannig tónlistina.
  • Flutningur
    • að gefa börnum og ungmennum tækifæri á að upplifa eigin tónlist í flutningi fagfólks við kjöraðstæður á tónleikum í Hörpu.

Reglur

  • Börnum og ungmennum í 5. – 10. bekk er heimilt að taka þátt í Upptaktinum og senda inn tónsmíð óháða tónlistarstíl.
  • Þau sem komast áfram taka þátt í vinnustofu með fagfólki.
  • Lengd tónverks skal vera 1-5 mínútur að hámarki, annaðhvort einleiks eða samleiksverk fyrir allt að 7 flytjendur.
  • Skila þarf tónsmíð inn í hefðbundinni eða grafískri nótnaskrift eða með upptöku.
  • Hugmyndir s.s. upptökur (mp3), nótur, texti eða grafísk lýsing sendist rafrænt á upptakturinn@gmail.com

Skilafrestur hugmynda er til og með 21. febrúar 2020

Dómnefnd
Fagmenn sitja í dómnefnd og velja 12 – 13 verk úr innsendum hugmyndum.

Tónsmiðja
Valin verk verða fullunnin í tónsmiðju með tónskáldum og fagfólki í tónlist. Tónsmiðjan fer fram í Listaháskóla Íslands og Hörpu dagana 10.- 24. mars 2020. Að því ferli loknu hafa orðið til ný tónverk.

Tónleikar
Þriðjudaginn 21. apríl 2020 verða tónverkin flutt á metnaðarfullri og glæsilegri tónleikadagskrá í Silfurbergi, Hörpu. Tónleikarnir eru hluti af opnunarhátíð Barnamenningar í Reykjavík. Hljóðfæraleik og framkvæmd annast fagfólk í tónlist.

Tónsköpunarverðlaunin
Öll verkin sem flutt verða á tónleikunum hljóta tónsköpunarverðlaunin: Upptakturinn 2020.

Heimasíða – Facebooksíða – Instagram
Upplýsingar um Upptaktinn á íslensku og ensku má finna á:

Kynningarmyndbönd
harpa.is/upptakturinn

KrakkaRÚV og UngRúv
Tónleikarnir 2019
Sex útvarpsþættir um Upptaktinn 2019 verða fluttir í janúar og febrúar 2020 á Útvarp UngRúv.

Nánari upplýsingar
Verkefnastjóri Upptaktsins er Elfa Lilja Gísladóttir sem veitir fúslega allar nánari upplýsingar í gegnum upptakturinn@gmail.com og síma 699-6789.