Skrifstofa skólans verður lokuð frá 20. júní og opnar aftur að loknu sumarleyfi 9. ágúst.
Skólasetning verður þriðjudaginn 22. ágúst 2017. Nánari upplýsingar verða sendar til foreldra í ágúst.
Starfsfólk Ingunnarskóla óskar nemendum og fjölskyldum þeirra gleðilegs sumars og þakkar fyrir samstarfið á liðnu skólaári.
Boðið verður upp á sameiginleg innkaup námsgagna og ritfanga fyrir 1.-7. bekk eins og verið hefur í yngri bekkjunum undanfarin ár.
Kostnaður er 6.000 krónur á nemenda en ef þið viljið ekki nýta ykkur þetta þá biðjum við ykkur vinsamlegast að láta vita á skrifstofu skólans á netfangið This e-mail address is being protected from spambots. You need JavaScript enabled to view it. og við sendum ykkur innkaupalista.
Við vekjum athygli á því að drög að skóladagatali fyrir skólaárið 2017 - 2018 er komið inn á heimasíðu Ingunnarskóla.
Það er að finna hér.
Útskrift 10. bekkjar verður á þriðjudaginn 6. júní klukkan 18:00 og verður hátíðleg dagskrá af því tilefni á sal skólans. Til siðs hefur verið að foreldrar leggi til veitingar á kaffiborðið en skólinn býður upp á kaffi og gos. Foreldrar nemenda í 10. bekk hafa fengið upplýsingar varðandi það í tölvupósti.
Skólaslit hjá 1.-9. bekk verða 7. júní kl. 17:00 á sal skólans. 7. júní er venjulegur skóladagur en þá koma nemendur í skólann skv. stundatöflu. Þennan sama dag kl. 17:00 verða síðan skólaslit hjá 1.-9. bekk.
Byrjað verður á sal með stuttri formlegri dagskrá, söng og gleði. Síðan halda nemendur í heimastofu og kveðja umsjónarkennara og starfsmenn.
Við vonumst til að sjá sem flesta foreldra með börnum sínum á skólaslitunum.
Hinn árleg íþróttadagur Ingunnarskóla var haldinn í dag. Veðurguðirnir voru ekki alveg í liði með okkur eins og fyrri ár en það kom ekki að sök, nemendur voru vel búnir og skemmtu sér vel í rigningunni.
Dagurinn var einstaklega skemmtilegur en nemendum 1.-5. bekkjar var skipt upp í hópa og nutu allir þess að vera úti í við skemmtilegar þrautir og leiki sem voru á mörgum stöðvum.
Nemendur 6.-7. bekkjar fóru niður í Úlfarsárdal þar sem þau hittu nemendur 6.-7. bekkjar úr Dalskóla. Þar kepptu þau í ýmsum íþróttagreinum og höfðu mjög gaman. Þau luku deginum með grillveislu í Dalskóla.
Nemendur 8.-10. bekkjar voru í alls kyns íþróttakeppnum inn í íþróttasal.
Deginum lauk síðan með pylsuveislu fyrir alla í mötuneytinu.
Myndir frá íþróttadeginum er að finna í myndasafni skólans.
